Lyrics of Karam Ban Gayi Ha Ata Ho gayi Ha

کرم بن گئی ہے عطا ہوگئی ہے

 نگاہِ نبی ﷺ آسرا ہو گئی ہے

 غمِ مصطفٰی ﷺ سے بفضل تعالیٰ

 طبیعت میری آشنا ہوگئی ہے

 دیار رسول ﷺ خدا تک میں پہنچوں

 یہ حسرت مدعا ہو گئی ہے

 زمانہ ہمارا ادب کر رہا ہے

 نظر آپ ﷺ کی ہم پہ کیا ہو گئی ہے

 دیار نبی ﷺ کی گلی کو تو دیکھو

 حقیقت کی رہ کا پتا ہو گئی ہے

 محمد ﷺ کو جب بھی کسی نے ستایا

 زباں ان کی وقفِ دعا ہو گئی ہے

 میں محمود جب نعت پڑھنے لگا ہوں

 یہ دنیا مری ہم نوا ہو گئی ہے