Lyrics Of Mera Dil aur Meri Jaan Madenay MA Ha

میرا دل اور مری جان مدینے والے

 تجھ پہ سو جان سے قربان مدینے والے

 تیرا در چھوڑ کے جاؤں تو کہاں جاؤں میں

 میرے آقا ﷺ مرے سلطان مدینے والے

 بھردے بھردے مرے داتا مری جھولی بھر دے

 اب نہ رکھ بے سرو سامان مدینے والے

 آڑے آتی ہے تری ذات ہر اک دکھیا کے

 میری مشکل بھی ہو آسان مدینے والے

 پھر تمنائے زیارت نے کیا دل بے چین

 پھر مدینے کا ہے ارمان مدینے والے

 سگِ طیبہ مجھے سب کہہ کے پکاریں بیدم

 یہی رکھیں مری پہچان مدینے والے